Lakror me hithra

Lakrori me hithra është padyshim ndër gatimet më speciale në kuzhinën shqiptare.Një recetë që mahnit çdo person që provon kuzhinën tradicionale.

Përbërësit

• 2 filxhanë çaji miell misri
• 1 kg hthra
• 2 lugë gjelle gjizë
• 1 kokërr vezë
• 2 filxhanë kafeje qumësht
• 2 filxhanë kafeje gjalpë ose vaj
• kripë, nenexhik.

Udhëzimet

1. Hithrat i lajmë mirë me ujë të ftohtë, i shtypim pak duke i mbështjellë me një pecetë që të mos na djegin, i grijmë hollë, i ziejmë e i kullojmë dhe i kaurdisim pak me vaj.
2. Pasi i heqim nga zjarri i hedhim gjizë, qumësht, vezë, kripë, nenexhik.
3. Në një tenxhere hedhim miellin e misrit të situr dhe me ujë të vakët, yndyrë e kripë dhe zëmë një brumë me trashësi mesatare.
4. E shtrojmë brumin në tepsi të lyer me yndyrë dhe sipër i hedhim hithrat e përgatitura.
5. Mbi to hedhim me dorë një shtresë mielli, të cilin e lagim me ujë, e spërkasim me yndyrë dhe e pjekim në furrë me 220 gradë Celsius rreth gjysmë ore.
6. Ju bëftë mir!.