pastashu

Një recetë e veçantë që kërkon pak dashuri dhe durim në përgatitje e si rezultat do të keni një ëmbëlsirë të mrekullueshme për të kënaqur veten, familjen apo më të dashurit tuaj.

Përbërësit

• ¾ e gotës së ujit miell
• 3 kokrra vezë
• 2 lugë gjelle gjalpë
• ½ lugë gjelle sheqer
• pak kripë
• Për kremin e pastiçerisë:
• ¾ e gotës së ujit qumësht
• 1 filxhan kafeje miell
• 1 kokërr vezë
• 1 filxhan kafeje sheqer
• Për çokollatën:
• 1 pako me çokollatë

Udhëzimet

1. Në një tenxhere hidhet qumësht ose ujë, kripë, gjalpë e sheqer, përzihen të gjitha dhe e lëmë derisa merr valë.
2. Në këtë masë hidhet mielli i situr, mbahet në zjarr të ulët dhe me një lugë druri përziehet shpejt, derisa të krijohet një masë e njëllojtë pa kokrra, e cila shkëputet lehtë nga tenxherja dhe luga.
3. Masa hiqet nga zjarri, ftohet deri në 60-70 gradë, hidhen vezët një e nga një me ndërpreje duke i përzier, derisa të krijohet një masë homogjene.
4. Brumi duhet të bëhet i trashë dhe pak elastik.
5. Brumi i përgatitur hidhet me anën e një qese pasticȩrie në një tepsi të thatë në formë te gjatesore 6-7 cm dhe piqet në furrë të nxehtë në temperaturë 230-240 gradë për 12-15 minuta.
6. Pasi ftohet, me thikë sharrë, priten kapakët dhe mbushen me krem pastiçerie.
7. Sipërfaqja spërkatet me çokollatë të shkrirë.