Patate ne furre me porshute

Nëse nuk kishit planifikuar asgjë për të gatuar për drekë apo për darkë, ju vijmë në ndihmë me një recetë shumë të thjeshtë. Ideale për çdo pjesëtar të familjes, mjafton të njiheni me përbërësit dhe përgatitjen dhe vakti juaj është gati.

Përbërësit

• 1 kg patate.
• 150 gr proshutë.
• 100 gr djathë.
• 300 ml ajkë e ëmbël.
• 1 qepë.
• 1 vezë.
• Vaj.
• Kripë.
• Piper i zi.

Udhëzimet

1. Pastrojini patatet dhe pritini në formë rrethore (tjetër) me trashësi mesatare. Hidhini në një tenxhere me ujë të nxehtë dhe kripë dhe ziejini përreth 10 minuta.
2. Në një enë shtoni ajkën, djathin e grirë, vezën, kripën dhe piperin. Përziejini mirë përbërësit që të kombinohen plotësisht me njëri-tjetrin.
3. Ndërkohë në një tigan me vaj shtoni qepën e prerë dhe kavardiseni për disa minuta.
4. Në të hidhni edhe copat e prera të proshutës, duke lënë mënjanë vetëm dy lugë gjelle nga proshuta pasi do t’u nevojiten për më vonë.
5. Kullojini patatet me një kullesë dhe bashkojini në një enë të madhe me të gjithë përbërësit. Përziejini mirë dhe transferojini në enën e pjekjes të lyer fillimisht me vaj.
6. Mbi të shtoni edhe copat e proshutës të pagatuara.
7. Vendoseni në furrrë dhe lëreni të piqet përreth 40 minuta, fillimisht në temperaturën 200 gradë dhe më pas uleni pak gradacionin. Lereni edhe pak deri sa te skuqet pjesa siper edhe tava eshte gati.
8. Ju befte mire!.