Akullore me Kos dhe luleshtrydhe

Vera po afrohet dhe na duhet dicka për tu freskuar, akullorja me Kos dhe luleshtrydhe eshte ajo qe na duhet.

Përbërësit

• 500 gram luleshtrydhe
• 150 gram sheqer
• 250 gram kos
• 3-4 pika lëng limoni.

Udhëzimet

1. Në një tas rrihni sheqerin me luleshtrydhet e lara dhe të prera në copa të vogla.
2. Mbulojeni enën dhe e lini të qendrojë për rreth 1 orë në frigorifer.
3. Më pas e kaloni masën në blender, i shtoni kosin dhe lëngun e limonit.
4. E përzieni mirë masën dhe e kaloni në një enë metalike.
5. Nivelojeni dhe futeni akulloren në ngrirje për të paktën dy orë.
6. Pas kësaj e shërbeni në gota dhe shtojini sipër luleshtrydhe, qershi ose banane të prera në feta.
7. Ju bëftë mirë!