Rizoto me shafran dhe parmixhano

Recetë shum e thjeshtë,njekohësisht shumë e shijshme.

Përbërësit

• 150 gr oriz për rizoto
• 1 qepë e grirë imët
• 1/4 gotë verë të bardhë
• 500 ml lëng perimesh
• 1/2 lugë çaji pistil shafrani
• 1 lugë gjelle gjalpë
• 1 lugë gjelle djathë parmixhano të grirë.

Udhëzimet

1. Vendosni që një natë më parë pistilat e shafranit në 1 filxhan kafeje me ujë, që të nxjerrin mirë ngjyrën .
2. Në një tigan, vendosni gjalpin të shkrijë dhe shtoni qepën të skuqet.
3. Shtoni orizin dhe skuqeni për 1 minutë në temperature te lartë.
4. Shuajeni me verë dhe lëreni të avullojë .
5. Shtoni pak lëng perimesh të nxehtë dhe uleni flakën në minimum.
6. Llogariteni ta hidhni lëngun e nxehtë në disa pjesë, pra pasi të jetë duke shteruar.
7. Shtoni pjesën tjetër të lëngut, i cili duhet të jetë gjithë kohën i nxehtë dhe ta mbulojë orizin.
8. Kullojini pistilat dhe nxeheni lëngun. Shtojeni tek rizoto kur të hidhni garuzhden e fundit të lëngut të perimeve.
9. Kur të jetë duke shteruar lëngu, fikeni zjarrin, shtoni djathin e grirë dhe gjalpin.
10. Përziejeni dhe lëreni 2 minuta të mbuluar me kapak përpara se ta shërbeni.
11. Ju bëftë mirë!