Linguine me fruta deti

Përgatisni një pjatë të shijshme me aromën e frutave të detit, shume e thjeshte dhe per pak minuta.

Përbërësit

• 1/2 pako makarona linguini
• 1 tufë borzilok
• 3 thelpinj hudhër
• 1 spec djegës
• 50 ml vaj ulliri
• Kripë
• Piper
• 100 gr djathë Pecorino
• 300 gr domate
• 100 gr për lloje të ndryshme fruta deti (karkaleca, kallamarë, midhje, sepie)
• 1 qepë e vogël.

Udhëzimet

1. Pastrojmë frutat e detit, presim sepjen dhe kallamarin në rripa, ndërsa karkalecat i pastrojmë nga lëvozhga, por duke ua ruajtur kokën.
2. Presim në kube domatet, specin djegës dhe qepën. Hudhrat e borzilokun i presim hollë
3. Në një tenxhere vendosim pastën të ziejë, ndërsa në një tenxhere tjetër përgatisim salcën.
4. Në tenxheren e salcës hedhim vajin e ullirit, qepën e grirë dhe hudhrat. I skuqim për pak sekonda.
5. Shtojmë salcën e domates, borzilokun e grirë, frutat e detit të pastruara dhe të prera, specin djegës, kripën, piperin. E lëmë salcën të ziejë për 5-7 minuta.
6. Në këtë moment dhe linguinet janë gati. I kullojmë dhe ua shtojmë salcës.
7. Shtojmë në fund djathin Pecorino të grirë dhe vajin e ullirit.