Burani

Burani e shijshme me spinaq e oriz në pak minuta.

Përbërësit

• 800 gram spinaq
• 1 filxhan çaji oriz
• 1 qepë mesatare
• 1 tufë qepë të njoma
• 1 lugë çaji gjalpë
• pak pluhur hudhër
• 1 tufë koper +majdanoz
• pak nenexhik
• vaj ulliri
• kripë, piper i zi.

Udhëzimet

1. Në një tenxhere ngrohim vajin, hedhim qepën e grirë hollë, e skuqim sa të zbutet dhe më pas shtojmë qepët e njoma të prera në unaza të holla dhe bishtat. (5-6 qepë të njoma normale, jo shumë të trasha).
2. Pasi qepa ka ulur volumin, shtojmë pak kripë, orizin dhe i trazojmë së bashku me qëllim që orizi të skuqet pak.
3. Shtojmë spinaqin, e trazojmë për 1 minutë dhe më pas shtojmë ujin e valuar gjysmë filxhani, dmth për një filxhan oriz do të hedhim 1 filxhan e gjysmë ujë dhe jo 2, si zakonisht.
4. E lëmë të ziejë për 10 minuta, më pas shtojmë erëzat, 1 lugë çaji gjalpë, e trazojmë dhe pas 5 minutave e largojmë nga zjarri.
5. Shërbejeni të ngrohtë dhe mund ta shoqëroni me pak kos!
6. Ju bëftë mir!