Ëmbëlsirë Pashkësh

Me ardhjen e Pashkëve, nuk mund të mungojnë në tryezat tona ëmbëlsirat e dekoruara me vezë të lyera, ashtu si dhe kjo ëmbëlsirë, tipike e Kalabrisë, e thjeshtë për t’u përgatitur, me një brumë të butë falë ardhjes së ngadaltë dhe aromës së këndshme të agrumeve.

Përbërësit

• 350 gr miell
• 1 limon
• 1 portokall
• Pak gjalpë
• 9 vezë
• Pak kripë
• 25 gr maja birre
• 100 gr sheqer
• 30 gr struto (lloj yndyre shtazore (derri) në formë kremi, e ngjashme me gjalpin).

Udhëzimet

1. Në një tas me ujë të ngrohtë, hidhni 25 gr maja birre, më pas shtoni 2 lugë miell, përziejini me një rrahëse vezësh që të mos formohen gungëza dhe lëreni të vijë për të paktën një orë.
2. Lani mirë portokallin dhe limonin. Më pas grijuni lëkurën.
3. Mbi tavolinën e punës, shtoni miellin duke hapur mesin e tij dhe shtoni struton, 3 vezë dhe pak kripë.
4. Shtoni lëkurën e agrumeve, masën me maja e miell që keni lënë mënjanë dhe përziejini derisa të përftoni një masë kremoze.
5. Merrni një tepsi me formë (ajo ku bëni kekun), lyejeni me gjalpë dhe përhapni brumin në të. Mbulojeni me një pecetë dhe lëreni të vijë për 3-4 orë.
6. Vendosni vezët e tjera mbi brumë dhe piqeni në 210 gradë për 10 minuta, më pas uleni temperaturën në 170 gradë Celsius dhe vazhdoni ta piqni edhe për 45 minuta të tjera.
7. Lëreni të ftohet dhe shërbejeni.
8. Ju bëftë mirë!.