Gurabije me limon

Shumë të thjeshta në përgatitje, shumë të shijshme!

Përbërësit

• 300 gram miell
• 100 gram sheqer
• 7 lugë gjelle vaj
• 1 vezë
• lëngu dhe lëkura e 1 limoni.

Udhëzimet

1. Në një tas rrihni të verdhën e vezës me sheqerin dhe vajin . Më pas i shtoni të bardhën e vezës që duhet ta keni rrahur paraprakisht.
2. Shtoni lëngun dhe lëkurën e limonit dhe i përzieni mirë.
3. Tani i shtoni gradualisht miellin dhe i trazoni të gjitha bashkë.
4. Filloni e formoni me dorë biskotat tuaja sipas dëshirës, i lyeni me sheqer pluhur dhe i radhisni njëra pas tjetrës në një tavë.
5. Kështu veproni deri në fund.
6. I fusni në furrë për 20 minuta në temperaturë 180 gradë.
7. Ju bëftë mirë!