Pulë me kurri

Provoni shumë lehtë recetat indiane, si kjo me përbërësin tipik, salcën kurri! Mishi i pulës merr një shije të plotë dhe aromatike, duke u përgatitur në një kohë të shkurtër. Hapa të thjeshtë e të shpejtë për një pjatë me shije të veçantë!

Përbërësit

• 3 fileto pule
• 1 lugë kurri
• 200 ml pana
• 1 qepë
• 2 thelpinj hudhre
• 50 ml vaj ulliri të aromatizuar me spec djegës
• 1 lugë çaji kos
• Pak kripë
• Pak piper.

Udhëzimet

1. Pastrojmë dhe presim në kube fileton e pulës.
2. E marinojmë atë me kurrin, vajin e ullirit të aromatizuar me spec djegës, kripën, piperin dhe e lëmë të pushojë për 30 minuta.
3. Në një tigan hedhim vajin dhe hudhrat. Sapo të jetë ngrohur mirë tigani, shtojmë në të kubet e filetos së pulës dhe i skuqim për pak minuta.
4. Shtojmë panën. I lëmë për disa minuta përsëri në zjarr sa të marrin shije dhe më pas pjata është gati për t'u shijuar!
5. Ju bëftë mirë!.