Role me gjizë dhe koper

Një zgjidhje e përsosur per të gjithë familjen.

Përbërësit

• 1 pako peta të gatshme
• 3 kokrra vezë
• ½ gotë qumësht
• ½ gotë vaj
• 1 lugë kafe pluhur pjekës
• 400 gram gjizë ose djathë
• 1 tufë koper
• 1 lugë gjelle fara susami
• Kripë.

Udhëzimet

1. Në një tas rrahim 1 vezë me pak kripë, shtojmë gjysmë gote vaj, gjysmë gote qumësht, 1 lugë kafe pluhur pjekës, i përziejmë mirë dhe këtë përzierje e lëmë mënjanë për të lyer petët.
2. Në një tas tjetër rrahim dy vezë, hedhim kripë, gjizën, 2 lugë gjelle vaj dhe koperin të grirë hollë. Me këtë përzierje do të mbushim rolenë.
3. Hapim një petë dhe e lyejmë komplet sipërfaqen me përzierjen e tasit të parë. Vendosim petën e dytë mbi të dhe përsëri e lyejmë.
4. Vendosim petën e tretë, e lyejmë lehtë në fillim dhe vendosim pëmbajtjen qe përgatitëm për mbushje e vendosim në mënyre horizontale, fillojmë i rrotullojmë dhe formojmë një role.
5. Lyejmë tavën me yndyrë dhe vendosim rolenë në tepsi kështu vazhdojmë dhe me roletë e tjera derisa të mbarojmë petët.
6. Lyejmë roletë me vezë, vaj dhe qumështin e trazuar.
7. I spërkasim me susam dhe i pjekim në temperaturë 200 gradë Celsius për 20-25 minuta.
8. Ju bëftë mirë!