Mish qengji ne furre

Të pjekësh mish në furrë nuk është dhe aq e thjeshtë sa mendohet.
Shpeshherë mishi del shumë i thatë ose i pa pjekur mirë nga brenda.
Për një rezultat sa më të shkëlqyer janë të rëndësishme dy gjëra: temperatura e pjekjes, dhe njomja e tij herë pas here gjatë pjekjes.
Mishi i qingjit për t’u gatuar sa më mirë ka nevoje për yndyrën e tij, por dhe yndyrën që i shtohet për t’u pjekur.

Përbërësit

• 2 kg mish qengji.
• pak rigon.
• 2 thelpinj hudhër.
• 2 gota verë të bardhë.
• 1 gotë vaj ulliri.
• kripë.
• piper i zi.
• një tufë majdanoz.
• 2 kokrra limonë.
• ½ gotë verë e kuqe.

Udhëzimet

1. Pastroni mishin nga dhjami i tepërt.
2. Vendoseni të marinohet të paktën 40min para pjekjes me rigon, kripë, piper të zi, hudhrat e qëruara dhe disa degë majdanozi, vaj ulliri dhe verë.
3. Përzieni mirë që të gjithë përbërësit të bashkohen me njëri tjetrin, mbulojeni enën me qese kuzhine dhe vendoseni në frigorifer. Pas kësaj, hiqni degët e majdanozit dhe kulloni mishin nga lëngu i marinimit.
4. Ruajeni lëngun mënjanë, do t’ju duhet për ta njomur mishin gjatë pjekjes.
5. Vendoseni të piqet në furrën e nxehur më parë në 150 ° për rreth 1 orë e pak, por gjatë kësaj kohe njomeni herë pas here me lëngun e marinimit dhe lëng limoni.
6. Kontrollojeni mbas 1 ore nëse është i pjekur. Nëse ka marrë ngjyrën e kuqerremtë dhe nëse është i shkrifët në përtypje atëherë është gati.