Supe me domate te pjekura

Supa mbetet gjithmonë një ndër ushqimet më të shëndetshme dhe plot shije. Provoni ta përgatisni me domate të pjekura për një shije akoma më të veçantë.

Përbërësit

• Për domatet e pjekura:
• 900 gr domate.
• 2 thelpinj hudhër të paqëruar.
• 4 lugë gjelle vaj ulliri.
• 50 gr qepë.
• 1 lugë çaji kripë.
• piper i zi.
• Për supën:
• ½ lugë çaji rigon.
• 1lugë çaji salcë domatesh.
• 1 lugë gjelle gjalp.
• 500 ml lëng pule.
• 100 ml krem (pana).

Udhëzimet

1. Nxehni tiganin në temperaturë 135 °C.
2. Prisni hollë qepët dhe domatet dhe futini në tigane me të gjithë përbërësit e tjerë të domateve të pjekura.
3. Lërini në zjarr për 30 minuta me kapak, më pas vazhdoni pjekjen dhe për 30 minuta të tjera pa kapak derisa domatet të karamelizohen.
4. Trazojini vazhdimisht.
5. Kur të jenë bërë gati, qëroni thelpinjtë e hudhrave dhe shtojani domateve.
6. Bëjini si pure domatet e pjekura derisa të bëhen kremoze.
7. Pastaj merrni një tenxhere dhe zieni të gjithë përbërësit e supës bashkë, përveç panës.
8. Kur të jetë gati, kullojeni supën me sitë.
9. Servireni atë të shoqëruar me pana.