Supë me thjerrëza dhe perime

Nëse i keni qejf thjerrëzat, atëherë kjo recetë është për ju!

Përbërësit

• 250gr ose 1 gotë uji, thjerrëza
• 5 gota me lëng perimesh ose uji
• 2 karota të prera në copa të vogla
• ½ tufë spinaq
• 1 presh i prerë në kubik
• 2 thelpi hudhra të grimcuara
• 2 degë trumzë të copëtuar
• 1 gjethe dafinë
• 1 lugë gjelle vaj ulliri
• Kripë, piper të zi
• 1 lugë gjelle majdanoz i freskët
• Limon për servirje.

Udhëzimet

1. Në një tenxhere me pak vaj skuqni preshin për 4-5 minuta.
2. Shtoni hudhrën dhe i përzieni për 1 minutë.
3. Shtoni thjerrëzat te lara mirë, karotën,lëngun e perimeve ose uji, trumzën dhe gjethen e dafinës.
4. I vini kapakun dhe i lini në zjarr për 25-30 minuta.
5. Tani i shtoni spinaqin e copëtuar dhe e lini për 6-8 minuta.
6. Kur ta shikoni që supa është bërë, hiqni trumzën dhe gjethen e dafinës.
7. Shërbejeni të ngrohtë me pak majdanoz sipër dhe disa feta limoni anash për t’i dhënë më tepër shije.
8. Ju bëftë mirë!