Supë verore me domate

Nëse mendojmë një ushqim të thjeshtë në përgatitje dhe të lehtë në shije, me siguri supa është gjëja e parë që vjen ndërmend. Ndërsa, supa me domate është gjithnjë një zgjidhje fantastike, si në shije, ashtu edhe në vlera ushqyese.

Përbërësit

• 1 kg domate
• 1 qepë
• 1 karrotë
• 2 thelpinj hudhre
• 1/2 lugë çaji trumëz e tharë
• 1/2 lugë çaji borzilok i grirë
• 1 gjethe dafine
• 3 lugë gjelle krem pana ose kos
• kripë dhe piper i zi.

Udhëzimet

1. Nxehni vajin e ullirit në një tigan të thellë. Shtoni qepën dhe karrotën e grirë dhe skuqini për 3-4 minuta, derisa të zbuten, duke përzier vazhdimisht.
2. Shtoni domatet, hudhrën dhe erëzat. Përziejini mirë. Ulni nxehtësinë dhe lërini të ziejnë me kapak , për 30 minuta, duke përzier vazhdimisht.
3. Përgatitjen e kaloni në blender, derisa të bëhen krem.
4. Në të njëjtin tigan, shtoni panën ose kosin te kremi i domateve, kripë dhe piper sipas dëshirës dhe përziejini mirë
5. Ngroheni sërish supën edhe për pak minuta, derisa pana ose kosi të inkorpohen mirë. Shërbejeni supën të ftohtë.
6. Ju bëftë mirë.