Tiramisu

Tiramisu, është një ëmbëlsirë klasike italiane.Një ëmbëlsirë e shijshme dhe që do ta pëlqejnë të gjithë.

Përbërësit

• 6 vezë (të verdhat)
• 3/4 filxhan sheqer (i bardhë)
• 2/3 filxhan qumësht
• 1/4 te gotes me ajkë qumështi
• 1/2 lugë çaji ekstrakt vaniljeje
• 450 gr maskarpone
• 1/4 filxhan kafe (e zier fort në temperaturën e dhomës)
• 2 lugë gjelle rum
• 2 pako biskota (Lady Finger, me densitet të ulët, të thata, të ëmbla me bazë vezën dhe të buta si sfungjer me formën e ngjashme të një gishti)
• 1lugë gjelle kakao pluhur(i paëmbëlsuar)

Udhëzimet

1. Në një tigan mesatar, përziejmë mirë së bashku të verdhat e vezëve dhe sheqerin. I përziejmë në qumësht dhe i gatuajmë në temperaturë mbi mesataren, duke i trazuar vazhdimisht, derisa përzierja të vlojë.
2. I vlojmë lehtë për 1 minutë. I heqim nga i nxehti dhe i lemë të ftohen pak. I mbulojmë mirë dhe i lemë të ftohen në frigorifer për 1 orë.
3. Në një tas mesatar rrahim kremin me vanilje.
4. Përziejmë mascarpone-n në përzierjen e të verdhave të vezëve deri sa të krijohet një masë e butë.
5. Në një tas të vogël, përziejmë kafen dhe rumin. Thyejmë biskotat në gjysmën e gjatësisë së tyre dhe i spërkasim me përzierjen e kafesë.
6. Vendosim gjysmën e biskotave të njomura në fund të nje pjatance. Përhapim gjysmën e përzierjes së mascarpone-s mbi biskota dhe gjysmën e kremit mbi të.
7. I shtresëzojmë sërish në të njëjtën mënyrë dhe i spërkasim me kakao. I mbulojmë dhe i lemë të ftohen në frigorifer për 4 deri në 6 orë.