Kunguj te njome ne furre me veze

Kungujt e njomë janë perime shumë të shijshme dhe të pasur në vlera.
Kjo perime rekomandohet për njerëzit që vuajnë nga problemet me qarkullimin e gjakut dhe kockave.
Kungujt e njomë zakonisht gatuhen në gjellëra të ndryshme, ose bëhen pjesë e turlive me perime.

Përbërësit

• 250 gramë kunguj të njomë.
• 1 lugë e gjysmë gjelle me miell.
• Vaj ulliri.
• 3 vezë.
• 2 lugë gjelle me qumësht.
• 2 lugë gjelle me djathë të grirë hollë.

Udhëzimet

1. Prijini kungujt në rripa.
2. Në një enë qelqi hidhni miellin dhe shtoni aty kungujt e prera një e nga një.
3. Mundohuni që të gjitha fetat të jenë të spërkatura në të gjithë sipërfaqen me miell.
4. Për pjekjen mund të përdorni një tavë qelqi, të cilën duhet ta lyeni me vaj ulliri dhe me pak bukë të thekur të grirë hollë.
5. Kështu lagështira e tepërt e kungujve do të përthithet, dhe do të ruhet forma dhe shija e tyre.
6. Në një tas përzjeni vezën, qumështin dhe djathin e grirë derisa të formohet një masë homogjene.
7. Ndërkohë shtrojmë në tavë shtresën e parë me kunguj i spërkasim me pak vaj ulliri, kripë dhe piper.
8. Në të njëjtën mënyrë veproni me të gjithë fetat e kungujve.
9. Pasi i kemi vendosur që të gjithë, i hedhim sipër vezën, qumështin dhe djathin e grirë.
10. Mund të shtoni dhe pak majdanoz të grirë sipas dëshirës.
11. Vendoseni në furrë të ngrohur më parë me 200 gradë celsius përreth 20-30 minuta.