Pilaf me kërpudha

Orizi me kërpudha (rizoto me kerpudha) është një pjatë shumë e mirë dhe e përshtatshme
për të gjithë, sidomos për ata persona që kanë probleme të tolerancës ushqimore siç janë
personat çeliak të cilët alergjia kryesore u vjen nga mielli i grurit. Kjo pjatë rizoto me
kerpudha është e shpejtë, e thjeshtë e me një rezultat vërtet të kënaqshëm.

Përbërësit

• 500 g oriz.
• 300 g kërpudha (janë të këshillueshme pankushet,ato që rriten në pyll gështenjash, me kësulë të murrme nga sipër e të bardhë nga poshtë dhe me këmbën e trashë e të
• kuqërreme).
• 2 thelpinj hudhër.
• 120 g gjalpë.
• 1l ujë, (sasia e të cilit varet nga lloji i orizit).
• Kripë, majdanoz të grirë.
• djathë të grirë.

Udhëzimet

1. Pastrojmë mirë kërpudhat duke i hequr cipën që kanë mbi kokë, i heqim fundin e bishtit (i lajmë vetëm n.q.s. janë shumë të ndotura).
2. I presim hollë.
3. Ndërkohë nxehim ujin.
4. Presim hudhrën dhe e skuqim në një tigan me vaj, shtojmë kërpudhat dhe vazhdojmë perzierjen.
5. Pasi t’i heqim nga zjarri shtojmë kripën dhe majdanozin.
6. Skuqim orizin në gjalpin e nxehur më përpara dhe pasi orizi të ketë thithur të gjithë yndyrën, shtojmë ujin duke e përzier pak e nga pak.
7. Pa përfunduar zierja, pas rreth 15 min., shtojmë gjysmën e kërpudhave dhe vazhdojmë zierjen e plotë.
8. Kur orizi të jetë zier plotësisht dhe të jetë fryrë, pas rreth 25 min., i shtojmë edhe pak gjalpë për ta bërë më të shndritshëm, rregullojmë sasinë e kripës.
9. Pasi ta kemi hedhur në pjata shtojmë edhe pjesën tjetër të kërpudhave.
10. E shërbejmë të nxehtë dhe me djathë të grirë kaçkavall.