Tave Elbasani

Tavë kosi (tavë Elbasani) është një nga gjellët më karakteristike shqiptare. Ajo përgatitet me
mish qengji ose dashi, vezë e kos e pak oriz. Mund të gatuhet edhe pa oriz, por ne në këtë
recetë e kemi përdorur pak oriz.
Tava e kosit do të ishte ideale nëse do të piqej në furrë druri.

Përbërësit

• 500 g Mish qingji.
• 2 lugë gjelle gjalpe.
• 2 kokrra veze.
• 3 gota uji.
• 2 lugë gjelle miell.
• 1 lugë gjelle oriz.
• kripë.

Udhëzimet

1. Mishi pritet në thela,vendoset në tepsi, i hidhet siper gjalpë dhe futet në furrë ose në tavë me korent.
2. Herë pas herë i hidhet nga pak ujë që të mos thahet.
3. Pasi të piqet hiqet nga furra.
4. Në tenxhere me gjalpë hedhim pak miell derisa të zverdhet, por jo të skuqet.
5. shtohet lëngu i mishit të pjekur i holluar me ujë, përzihen dhe vlojnë derisa të krijohet një salcë e trashë.
6. Hiqet nga zjarri, ftohet dhe pastaj i shtohen kos, vezë,kripë dhe përzihen mirë.
7. Në tavë hidhet oriz gjysmë i zier, radhiten thelat e mishit,sipër hidhet masa e përgatitur, pak gjalpë dhe piqet në furrë .
8. Piqet në furrë derisa në sipërfaqe të krijohet një cipe kuqe,atëher tava është gati.
9. Ju bëftë mir!.