Perime në furrë

Edhe nëse nuk jeni adhurues i perimeve, nga sot do të ndryshoni mendim.

Përbërësit

• 1 lulelakër e vogël
• 1 brokoli e vogël
• 2 karrota
• 2 vezë
• 200 ml ajkë të thartë/shtalpë
• 50 ml qumësht
• gjalpë
• 80 gr djath kackavall
• kripë dhe piper i zi.

Udhëzimet

1. Perimet kalojini për 4-5 minuta në ujë të vluar me kripë e më pas renditini në tavën përkatëse të lyer me yndyrë. Shkoni sipas radhës- një rend lulelakër, një rend brokoli, ndërsa karrotat pritini në rrathë dhe vendosini sipër tyre.
2. Vezët rrahini, shtoni shtalpën/ajkën për gatim dhe qumështin.
3. Përziejini mirë e shtojini mëlmesa sipas shijes.
4. Këtë masë shpërndajeni në mënyrë të barabartë mbi perimet.
5. E sipër saj hidhni kackavallin e grirë në rende
6. Sipër tij, shtoni edhe gjalpën e prerë në pjes te vogla.
7. Piqini në furrën e parangrohur në 200 gradë për afro 30 minuta.
8. Ju bëftë mirë.