Përshesh me Pulë

Përsheshi me pulë është një ndër gatimet më të shijshme, autentike të kuzhinës tradicionale shqiptare.

Përbërësit

• 1pule fshati
• 1 kg miell
• 1 lugë çaji sodë buke
• 2 vezë
• Uji i vakët
• 4-5 qepë të njoma
• gjalpë ose vaj ulliri
• kripë dhe nenexhik.

Udhëzimet

1. Si fillim vendosim pulën të ziejë në një tenxhere me ujë dhe kripë. Kur mishi i pulës të jetë gati, lëngun e saj e ruajmë mënjanë pasi do përdoret për përgatitjen e përsheshi
2. Nisim përgatitjen e brumit duke hedhur miellin në një tepsi. Bëjmë një gropë në mes dhe hedhim, kripën, sodën dhe vezët.
3. Brumin e punojmë me dorë deri në momentin që masa do të bëhet kompakte por jo shumë e ngurtë.
4. Përmes furçës së gatimit lyejmë një tepsi me pak vaj dhe shtrojmë brumin.
5. E fusim në furrë dhe e pjekim derisa në sipërfaqe të marrë një ngjyrë të artë në të kuqërremtë.
6. Më pas e nxjerrim nga furra dhe e mbështellim me një pecetë kuzhinë, e vendosim mbi një pjatë dhe e lëmë që të kullojë.
7. Për përgatitjen e përsheshit baza është kulaçi i thërrmuar dhe lëngu i pulës.
8. Gjithashtu do të duhen 4-5 qepë të njoma, gjalpë ose vaj ulliri, kripë dhe nenexhik.
9. Në një tenxhere shtojmë vajin e ullirit dhe pak gjalpë, shtojmë qepët e njoma të grira hollë. I kavërdisim derisa volumi i tyre të bjerë.
10. Kulaçin të cilin e kemi thërrmuar më parë në copëza të vogla e shtojmë në tiganin ku kemi qepët dhe e kavërdisim pak.
11. Më pas hidhni nga pakë lëngun e pulës derisa sipërfaqja e kulaçit të jetë mbuluar.
12. Shtoni erëzat dhe kripën. Përsheshin mbulojeni me kapak derisa lëngu të ketë avulluar dhe të jetë bashkuar me kulaçin.
13. Përsheshin e shërbejmë të ngrohtë, të shoqëruar me një copë nga mishi i të pulës.
14. Ju bëftë mir!