Speca në furrë të mbushura me gjizë

Të skuqur apo të pjekur specat janë një nga perimet që i dhurojnë më shumë shije pjatave.

Përbërësit

• 8 speca
• 1 domate
• 1 spec të kuq gogozhare
• 1 spec djegës
• 300 gram gjizë
• 1 tufë majdanoz
• 4-5 lugë gjelle vaj ulliri
• 1 lugë kafe rigon
• Kripë, piper.

Udhëzimet

1. Lani mirë specat me ujë të bollshëm. I hiqni bishtin dhe farat.
2. Në një tas përzieni të gjithë përbërësit e tjerë dhe mbushni me to specat.
3. I vendosni specat në një tavë. Sipër i shtoni kripë, piper, vaj ulliri.
4. I vendosni në furrë për 30 minuta në temperaturë 180 gradë.
5. Ju bëftë mirë!