Tavë me qumësht e lulelakër

Përveçse në sallatë, lulelakra është një mrekulli edhe kur konsumohet në tavë me salcë beshamel sipër. Për detajet e përgatitjes hidhini një sy recetës.

Përbërësit

• 1 lulelakër
• 120 gram djathë çedar
• ¼ filxhan me djathë parmixhano
• 1 ½ gotë me qumësht
• 120 gram proshutë e tymosur
• 2 lugë gjelle miell
• 1 qepë
• 3 thelpi hudhra
• 1 lugë kafe arrëmyshk
• 2 lugë gjelle gjalpë
• 2 lugë gjelle majdanoz i grimcuar
• Kripë, piper të zi.

Udhëzimet

1. Parangrohni furrën në 200 gradë celsius.
2. Në një tenxhere me ujë e kripë, vendosni për të zierë lulelakrën. Pas 7 minutash e hiqni, kullojeni dhe e lini mënjanë.
3. Në një tigan skuqni gjalpin. Shtoni më pas qepët e prera imët, miellin dhe hudhrat. I përzieni përreth 1 minutë.
4. Shtoni qumështin, arrëmyshk, kripë, piper. I përzieni mirë derisa masa fillon të trashet pak.
5. Merrni tavën dhe vendosni në të copat e lulelakrës. Sipër i shtoni masën që përgatitët.
6. Vendosni copat e proshutës, djathin çedar, parmixhano dhe pak majdanoz. I fusni në furrë për 20-25 minuta.
7. Ju bëftë mirë!