Byrek trekendesh

Byrek trekëndësh kemi zgjedhur ti mbushim me gjizë dhe koperë por mund ti mbushim me cfarë te deshirojmë. Janë shumë te shijshem dhe te lehte ne pergatitje.

Përbërësit

• 400 gr miell
• 200 ml ujë
• 1 lugë kafe kripë
• 1 lugë gjelle vaj.
• 500 gr gjizë
• 2 tufa kopër
• 1 vezë
• 2 lugë gjelle gjalp
• Vaj për spërkatje.

Udhëzimet

1. Bashkojmë në një tas miell, kripë, vaj dhe ujë të vakët. Zëmë brumin jo shumë të fortë dhe e punojmë deri sa po ta presim me thikë, të mos ngjitet në të. E mbulojmë dhe e lëmë të vijë për 15 minuta. Më pas e ndajmë në kulaçë të vegjël dhe i mbulojmë përsëri kulaçët për 10-15 minuta.
2. Ndërkohë koprën e kemi larë, tharë dhe e presim hollë. Në tasin me gjizë shtojmë 1 kokërr vezë , e rregullojmë shijen me kripë , gjalp të shkrirë e vaj ulliri, e më pas shtojmë koprën. E përziejmë mirë dhe e lëmë mbushjen mënjanë.
3. Hapim kulaçkat 3 e nga 3 në një rreze 15-20 cm dhe i bashkojmë ato me njëra-tjetrën me pak vaj, më pas i hapim në një petë të vetme. Pasi petën e kemi hapur mirë, e presim atë në shirita me gjatësi 8 ose 10 cm.
4. Shpërndajmë pak gjizë me kopër ( jo shumë trashë) në gjysmën e petës dhe palosim petën, duke filluar me cepin.
5. E barazaojmë me petën nga e djathta në të majtë duke formuar një trekëndësh.
6. Lyejmë një tepsi me vaj dhe vendosim trekëndëshat. Kështu vazhdojmë me të gjithë kulaçkat që kemi bërë.
7. I lemë të pushojnë dhjetë minuta dhe i pjekim në furrë të nxehur në temperaturën 200 gradë, për 10 - 15 minuta.