Mini cheesecake me biskota Oreo

Ëmbelsira 733 Përditësimi i fundit: Apr 30, 2020 Krijuar: Apr 30, 2020

• Serviret për (persona): 4 Persona
• Koha e pregatitjes: 20min
• Koha e gatimit: -
• Kalori: -
• Vështirësia: E lehtë

Printo

Ta shijoni këtë ëmbëlsirë nga duart tuaja, është më e lehtë nga sa e keni menduar!

Përbërësit

• 16-18 biskota Oreo
• 50 gr gjalpë i tretur
• 175 gram krem djathi
• 2-3 lugë gjelle sheqer
• 200 ml krem pana
• vanilje.

Udhëzimet

1. Vendosim në një qese 12 biskota dhe i thërrmojmë ato. Pasi i thërrmojmë i vendosim në një tas.
2. Shtojmë në tas gjalpin e tretur dhe e përziejmë së bashku me biskotat e thërrmuara.
3. E ndajmë këtë masë në katër gota duke e ngjeshur me majën e një luge.
4. Rrahim kremin pana sa të ngurtësohet.
5. Në një tas tjetër përziejmë kremin e djathit me dy ose tre lugë sheqer, vanilje, I përziejmë mirë.
6. Shtojmë në tasin me krem djathi, lugë-lugë panën e rrahur.
7. E përziejmë gradualisht derisa të bashkohet bashkë djathi me kremin.
8. Vendosim kremin e bashkuar në një xhep pastiçerie dhe mbushim gotat, ku si bazë kemi biskotat e thërrmuara.
9. Zbukurojmë gotat me copëza biskote ose me një biskotë oreo dhe i vendosim në frigorifer për 3 orë. Shijojini!

• Facebook
• Twitter
• Pinterest

Receta të tjera interesante